1/ 5
નવી દિલ્હીઃ દેશમાં પહેલીવાર એક એવી દુર્લભ પ્રજાતિની માછલી મળી જે રંગ બદલવામાં માહેર છે. આમ તો હજુ સુધી આપણે કાચંડા જ રંગ બદલતા હોય તેવું સાંભળ્યું છે પરંતુ આ ઝેરી સ્કોર્પિયશફિશ પણ શિકાર કરવા અને પોતાના બચાવ માટે રંગ બદલી શકે છે. આ રંગ બદલનારી માછલીને સેન્ટ્રલ મરીન ફિશરીઝ ઇન્સ્ટીટ્યૂટ (CMFRI)ના વૈજ્ઞાનિકોએ શોધી છે. આ માછલીનું નામ સ્કોર્પિયનફિશ (Scorpionfish) છે જેની કેટલીક તસવીરો CMFRIએ પોતાના ટ્વિટર પર શૅર કરી છે.
2/ 5
સેન્ટ્રલ મરીન ફિશરીઝ ઇન્સ્ટીટ્યૂટના ડૉ. જેયાબાસ્કરને જણાવ્યું કે, સ્કોર્પિયનફિશ મન્નારની ખાડી (Gulf of Mannar)માં જોવા મળી છે. જે સમયે તેને જોવામાં આવી ત્યારે તે ઘાસમાં છુપાઈ ગઈ હતી. આ પ્રકારની માછલીની શોધ દેશમાં પહેલીવાર કરવામાં આવી છે.
3/ 5
CMFRIના વૈજ્ઞાનિકોનું કહેવું છે કે આ માછલી પોતાની કરોડરજ્જુમાં ઝેરને સ્ટોર કરીને રાખે છે. ગંભીર સ્થિતિમાં તે પોતાનો રંગ બદલવામાં તેનો ઉપયોગ કરે છે.
4/ 5
સ્કોર્પિયનફિશનું વૈજ્ઞાનિક નામ સ્કોર્પિનોસ્પિસિસ નેગલેક્ટા છે. તેની ખાસિયત એ છે કે તે પોતાનો રંગ માત્ર 4 સેકન્ડમાં જ બદલી લે છે. તે ખૂબ જ ઝેરી હોય છે. તેના સેન્સરી ઓર્ગન પૂંછડીમાં હોય છે જે ખૂબ જ તેજ હોય છે.
